Një ditë plot shije, kreativitet dhe emocione u zhvillua në ambientet e Agropark Tirana me “Gara e Shefave të Vegjël” – një aktivitet dedikuar fëmijëve që duan të shprehin dashurinë për gatimin dhe ushqimin e shëndetshëm.Të vegjlit, të pajisur me përparëse dhe shumë dëshirë për të krijuar, përgatitën receta të thjeshta me produkte të freskëta nga tregu, duke mësuar për rëndësinë e përbërësve natyralë dhe vlerave ushqyese.
Pas një dite plot lojëra dhe ushqim të shijshëm, me gëzim u shpërndanë certifikatat për disa nga fituesit e vegjël! 🎉 Çdo certifikatë ishte një njohje për përpjekjet e tyre të jashtëzakonshme dhe dashurinë që vunë në çdo pjatë.
Ky aktivitet kishte si synim edukimin e fëmijëve për ushqimin e shëndetshëm, zhvillimin e aftësive të reja dhe promovimin e punës në grup, duke e kthyer Agropark-un në një hapësirë të gjallë dhe të përfshirjes komunitare.
